Киев қалалық кеңесі «Мәскеумен достық» деп аталатын саябақтың атауын «Мариуполь батырлары» деп өзгерту туралы шешім қабылдады
Бұл туралы Киев қаласының әкімі Виталий Кличко хабарлады. Бұған дейін Ужгород қалалық кеңесі ресейлік қайраткерлермен аталған 58 көшенің атауын өзгертетіні хабарланған болатын.
«Бүгін мен Киев пен Мәскеудің бұрынғы достық саябағын Мариуполь батырлар саябағы деп атау туралы шешім жобасын тапсырдым. Депутаттар осы бастаманы қолдады», — делінген Кличконың сайтында.
Қала мэрі қалалар арасындағы достық ескерткіші 2021 жылы алынып тасталғанын еске салып, Киевте атауын өзгерту талап етілетін тағы да ондаған көшелер мен нысандар бар екенін мәлімдеді.
