Катар Әмірі Қазақстанға сапармен баруды жоспарлап отыр

Катар Премьер-Министрінің орынбасары және СІМ басшысы Мұхаммед бен Абдулрахман Әл Тани Қазақстан Президенті Қ.Қ. Тоқаевпен кездесу барысында Катар Әмірі жақын арада елімізге келетінін растады.

«Кездесуде қазақ-қатар қарым-қатынастарын дамыту перспективалары талқыланды. Сауда-экономикалық ынтымақтастықты кеңейтуге, соның ішінде экономиканың негізгі салаларында бірлескен инвестициялық жобаларды іске асыруға ерекше назар аударылды», — деп хабарлады ҚР Президентінің баспасөз қызметі.

Сонымен қатар халықаралық ұйымдар аясындағы өзара іс-қимылды қарастырып, өңірлік күн тәртібіндегі өзекті мәселелер жөнінде пікір алмасты.

Мемлекет басшысы қыркүйек айында Эр-Риядта өтетін Орталық Азия және Парсы шығанағы елдері сыртқы істер ведомстволары басшыларының диалог алаңының бірінші отырысын құптайтынын жеткізді.

Мұхаммед бен Абдулрахман Әл Тани Қасым-Жомарт Тоқаевқа Қатар Әмірінің сәлемін жеткізіп, оның жуық арада Қазақстанға келетінін растады.

Добавить комментарий