Канада Иранға қарсы санкциялық саясатын жалғастырып, ядролық бағдарлама және осы елдегі баллистикалық зымырандар өндірісімен байланысы бар жеке тұлғалар мен ұйымдарға қатысты жаңа шектеу енгізді. Бұл туралы Канада үкіметінің ресми мәлімдемесінде айтылған.
Санкциялық тізімге барлығы 18 жеке тұлға мен 56 ұйым енді, олар, Канада билігінің пікірінше, Иранның ядролық бағдарламасына қолдау көрсеткен. Шектеу шарасына Иран қарулы күштерінің элиталық бөлімшелері, сондай-ақ онымен байланысы бар құрылымдар болып табылатын Ислам революциясы сақшылары корпусының (ИРСК) жоғары лауазымды өкілдері де болды.
Ресми құжатта Канаданың бұл қадамы Иран режиміне қысым көрсетуге және оның ядролық қару мен баллистикалық зымыран өндірісін тоқтатуға бағытталғаны атап көрсетілген. Канада билігі санкциялар Тегеран ядролық бағдарламаға қатысты бағытын өзгерткенше жалғасатынын алға тартуда.
Бұл Иранның ядролық секторын бақылау және ядролық қарудың таралуына жол бермеу жөніндегі халықаралық күш-жігердің бір бөлігі.