Солтүстік Қазақстан және Шығыс Қазақстан облыстарында балабақшалар мен әлеуметтік мекемелерге арналған көкөністердің бағасы жоғары бағамен жеткізілген. Деректер бойынша, қырыққабат пен картоп нақты құнынан бір жарым-екі есе жоғары бағамен сатылды.
Қаржы мониторингі агенттігі әлеуметтік сала мекемелеріне жеткізілетін көкөніс бағасының жүйелі түрде көтеріліп отырғанын хабарлады. Нәтижесінде үстеме баға миллиондаға сомаға жеткен.
ШҚО-да «Ерекше қажеттіліктері бар балаларды қолдау орталығы» КММ 1 кг сәбізді 325 теңгеден, ал қырыққабатты 380 теңгеден жеткізген. ҚМА өңірлік Департаментінің араласуынан кейін жеткізу тізбегінен делдал алынып тасталды, ал сәбіз 120 теңгеге дейін, қырыққабат 180 теңгеге дейін төмендеді.
Солтүстік Қазақстан облысында кәсіпкер балабақшаларға картопты нақты құнынан 43%-ға жоғары бағамен сату арқылы 50 млн теңгеден астам табыс тапты. Агенттіктің араласуынан кейін баға төмендеді, Бұл келесі жылы СҚО-да азық-түлік сатып алуда шамамен 22 млн теңгені үнемдеуге мүмкіндік береді.
Әлеуметтік азық-түлік жиынтығын жеткізу кезінде сауда үстемесі сатып алу бағасының 15% аспауы керек екенін еске саламыз.