«Яндекс.Таксиге» қатысты монополияға қарсы тергеу жұмыстары аяқталды. Нәтижесінде, компания Қазақстанның цифрлық экожүйесін қолдау қорына өз еркімен қомақты сома аударды және жолаушылар мен жүргізушілер үшін жағдайды жақсартуға бағытталған бірқатар жаңашылдықтарды белгіледі.
Жасасқан комплаенс сәйкес, 14 желтоқсаннан бастап «Яндекс.Такси» егер тапсырыс жол жүру ақысының базалық құнынан екі есе асатын болса, комиссияны өндіріп алуды тоқтататын болды, бұл жылына шамамен 2 млрд теңге көлемінде экономикалық тиімділік әкеледі. Сонымен қатар, жүргізушілерге арналған қосымша бонустық бағдарлама енгізіледі, 2024 жылы сала айналымы мен инфляцияның өсуіне байланысты 7-10 млрд теңге болады.
Жолаушылар үшін жаңартылған «Бірге» тарифі енгізіледі, ол тіпті ең жоғары сұраныс болып тұрғанның өзінде, төмен бағамен таксиге тапсырыс беруге мүмкіндік береді, сондай-ақ баламен жүретін жолаушылар үшін «балалар» тарифі енгізіледі, ол балалар креслолары немесе бустері бар автокөлікті шақыруға мүмкіндік береді.
«Яндекс.Такси» сондай-ақ ең жоғары сұраныс жағдайында тарифтерді арттыру бойынша шектеулерге және тарифтерді қалыптастырудың ашықтығы үшін пайдаланушы қосымшасын жақсартуға келіскенін атап өтейік. Сонымен қатар, ол таксопарктерді айналып өтіп, жүргізушілермен тікелей жұмыс істейтін болады.
Яндекс міндеттемелерінің монополияға қарсы комплаенс шеңберінде орындалуы Агенттік жанындағы арнайы мониторингтік топтың бақылауында болады