«Hi-Tech» профилактикалық іс-шарасы аясында Солтүстік Қазақстан облысының полиция қызметкерлері интернет-алаяқтармен белсенді күресуде. Іс-шара аясында екі күні ішінде алаяқтық белгілері бар 45 хабарландыру анықталды, басым бөлігі – Instagram әлеуметтік желісінде.
Мамандардың айтуынша, жаңа жыл мерекесіне дейін бір айдай уақыт қалды. Мерекеге таяу қалғанда адамдар жақындарына сыйлықтар алуға асығады. Бұл кезде интернет-алаяқтар да әккі әрекеттеріне кіріседі. Әдетте, ғаламторда қызметтер мен тауарлар туралы жалған хабарландырулар пайда бола бастайды.
«Hi-Tech» іс-шарасы алаяқтықты әшкерелеп қана қоймай, алдын алуға баса назар аударылады. Бірінші кезекте полицейлер мен еріктілер қарт жалған қоңырауларға сенбеуге шақырады. Интернеттегі белгісіз «сатушымен» сөйлесу кезінде қырағы болу керек.
Полиция екі күннің ішінде интернет-алаяқтықтың 14 оқиғасын анықтады. Алайда, іс-шараның басты мақсаты алаяқтық әрекеттерінің алдын алу және онлайн-сатып алу қауіпсіздігін қамтамасыз ету үшін халықпен белсенді жұмыс істеуге баса назар аударылады.