Владимир Путин билік басында ұзақ уақыт қалғысы келеді, деп есептейді батыстық саясаттанушылар. «Шын мәнінде, Украинадағы әскери арнайы операция Ресейдің посткеңестік кеңістікте ықпалын кеңейтіп қана қоймай, Қырымдағы секілді, оның рейтингін көтеруге бағытталған. Ресей президенті «АӘО» жүргізіп, бірнеше айдың ішінде алға қойылған «мақсаттарға» қол жеткіземін деп ойлаған. Осылайша, келесі жылдың наурыз айында өтетін президенттік сайлауға Путин бүкіл болып қолдайтын президент мәртебесінде қатысуды қалайды. Бірақ Ресей Екінші дүниежүзілік соғыстан бергі Еуропа құрлығындағы ең ауқымды соғыс қимылдарын бастады», — дейді сарапшылар.
Олардың пікірінше, «қазір Путин үшін бейбіт келіссөздер жүргізу және Ресей армиясын Украина аумағынан шығару туралы шешім қабылдайтын болса, бұл оның жеке басына үлкен қауіп төндіруі мүмкін». Бұған қатысты сарапшылар былай деп пікір білдіріп отыр: «Ресейліктер елде болып жатқан барлық жағдайлардан — мобилизациядан, жеке әскери компания басшылары шығарған бүліктен, өз қалаларына дронмен жасалып жатқан шабуылдардан, соғыс алаңынан оралып, президенттің рақымшылығына ілікккен қылмыскерлердің қатыгез қылмыстарынан және т.б. шаршады десек болады. Кез-келген ресейлік азамат бейбіт өмірдің қайта орнағанын қалайды.
Неліктен Путин мен оның режимі, біріншіден, ел экономикасы дағдарысты еңсергенін, екіншіден, Путиннің таңдауы болмағанын және ол соғысты бастауға мәжбүр болды деп жүйелі түрде мәлімдеуде? Мәселен, Путин Ресей Германияны басып озып, әлемде экономикасы мықты бес елдің қатарына кіргенін, сондай-ақ мемлекет бұрын-соңды болмаған сыртқы қысымға төтеп бергенін мәлімдеді. Ресей азаматтарына соғыс қимылдары қанша уақытқа созылғанымен, елге ешқандай зияны келмейді деп сендіруде. Егер бұл рас болса, онда Украина қойған шартпен бейбіт келіссөздер жүргізудің мәні жоқ, керісінше «АӘО-ны» жалғастыру керек. Саясаттанушылардың пікірінше, соғыс қимылдары Путинге билік басында қалуға мүмкіндік беретін құрал ретінде пайдаланылады, ал қоғам Кремль насихатының «ықпалымен» өмір сүруде және өз кезегінде артық сұрақ қоймай отыр.
Батыстық сарапшылар соғыс қимылдары аяқталатын болса, Ресейдегі ішкі проблемалардың беті ашылады және қазіргі жағдайды қиындатады деп есептейді. «Соғыс аяқталып, Ресей Федерациясы Украина аумағынан әскерін шығарды деп елестетіп көрелік. Ресейліктер нені байқайды? Мәселен, Путин режимі миллиардтаған долларды ауаға жіберді, сондай-ақ Ресей азаматтары ел әскерінің Украинадағы шығындарының ауқымын, қанша адам жер жастанғанын немесе мүгедек болып жатқанын, өмір сүру деңгейінің қаншалықты төмендегенін және т.б. енді ғана түсініп отыр. Осыны түсінген кейін ресейліктердің қоғамдық көзқарасы мүлдем өзгеруі мүмкін», — деп есептейді саясаттану саласындағы сарапшылар.