Брюссель Пекинге Украина мен Ресейдің қарулы қақтығысына байланысты ұстанымын жарияламас бұрын ескерту жасамақ.
Қытай билігі ҚХР-ның Украинадағы жағдайға қатысты ұстанымы қандай болатынын хабарлады.
ҚХР ЕО-мен болатын алдағы саммитте Украина төңірегіндегі жағдайға қатысты бұрынғы ұстанымында қалады, сондай-ақ Еуропадағы НАТО-ның кеңеюіне алаңдаушылық білдіреді. Бұл туралы бейсенбі күні америкалық The Washington Post газеті дереккөздеріне сілтеме жасап жазады.
Брюссель, газеттің мәліметінше, саммит барысында Бейжіңді РФ-ға материалдық қолдау көрсетуден бас тартуға шақырады. «Қытай тарапы ҚХР-ны Украинадағы қақтығыста [белгілі бір] тарапты қолдауға бағытталған қысымға қарсы болады», — деп мәлімдеді басылымға атын атағысы келмеген қытайлық шенеунік.
The Washington Post-тың жазуынша, Украинадағы жағдайға дейін ЕО ҚХР-ға қатысты «баяу әрі қалаусыз» қатаң ұстанымда болған. Ресей Федерациясының Украинадағы арнайы операциясы мен оған Бейжіңнің реакциясы бұл процесті жеделдетті және ЕО-ның ұстанымы ҚХР-ны стратегиялық қарсылас ретінде көретін АҚШ билігінің позициясымен бірдей болды. The Washington Post басылымының хабарлауынша, ҚХР-ның лауазымды тұлғалары ЕО мен АҚШ-тың Ресейге қарсы санкция салу мәселесінде бір жағадан бас, бір жеңнен қол шығарып ынтымақтасуына таң қалып, алаңдаушылық білдірді. «Украинадағы жағдай, күмәнсіз, ЕО-ны америкалықтарға жақын екенін көрсетті. Бұл екі тарапқа да жағымсыз әсер етеді», — деді газетке аты аталмаған басқа шенеунік.
Бұған дейін Еуроодақ мемлекеттері мен үкіметтерінің басшылары 1 сәуірде виртуалды форматта өтетін ЕО-Қытай саммитін өткізуге дайындалып жатқанын мәлімдеген болатын. Саммитте Еуроодақтың атынан Еуроодақ пен Еурокомиссия төрағалары Шарль Мишель мен Урсула фон дер Ляйен, сондай-ақ ЕО сыртқы істер және қауіпсіздік саясаты жөніндегі жоғарғы өкілі Жозеп Боррель болатыд. Қытайдың атынан ҚХР Мемлекеттік кеңесінің төрағасы Си Цзиньпин мен премьері Ли Кэцян келеді.
