ҚХР Мемлекеттік кеңесінің Гонконг және Макао істері жөніндегі кеңсесінің бастығы Ся Баолунаның айтуынша, Ресей мен Қытай президенттері Ресей президентінің 2022 жылдың ақпан айында Бейжіңде өтетін қысқы Олимпиадаға сапары барысында маңызды құжатқа қол қоюды жоспарлап отыр.
Бұл туралы 27 желтоқсанда Қытай бөлігінің Ресей-Қытай достық, бейбітшілік және даму комитетінің төрағасы, Қытай Халық саяси консультативтік кеңесінің Бүкілқытайлық комитеті төрағасының орынбасары, ҚХР Мемлекеттік кеңесінің Гонконг және Макао істері жөніндегі кеңсесінің бастығы Ся Баолун екіжақты комитеттің XIII пленарлық отырысында мәлімдеді.
«Келесі жылдың ақпан айында Ресей президенті Владимир Путин Қытайға сапармен келіп, Бейжіңде өтетін қысқы Олимпиаданың ашылу салтанатына қатысады. Осылайша, Президент Путин пандемия өршіген сәттен бастап әлемдегі алпауыт мемлекеттердің арасында бірінші болып Қытайға келеді. Мемлекет басшылары екі жыл ішінде алғашқы кездесуін өткізеді, оның барысында жан-жақты пікір алмасып, маңызды саяси құжаттарға қол қояды», — деді ол.
2022 жылғы 4-20 ақпан аралығында Бейжіңде XXIV қысқы Олимпиада ойындары өтеді, ал Паралимпиада ойындары — 4-13 наурыз аралығында өтеді.