Дүниежүзілік денсаулық сақтау ұйымының (ДДСҰ) Еуропалық өңірлік бюросының басшысы Ханс Клюге әлемдегі коронавирус пандемиясының аяқталуына қатысты болжамын айтты. Ол пандемия 2022 жылдың басында аяқталады деп есептейді. Әңгіме шектеулерді алып тастау туралы болып отыр, бірақ вирус ешқайда жоғалмайды, деп атап өтті ұйым өкілі.
«Ең нашар сценарий артта қалды. Біз вирус тарала бастаған 2020 жылмен салыстырғанда көбірек білеміз», — деді Ханс Клюге.
ДДСҰ Еуропалық бюросының басшысы вирустың адамдар арасында жоғалмайтынын, бірақ келесі жылдың басында шектеулер алынып тасталатынын атап өтті.
Алайда, Ханс Клюге бұл тек болжам екенін атап өтті, себебі әзірге жағдайдың қалай дамитынын ешкім нақты айта алмайды.
Бұған дейін ДДСҰ өкілі Мелита Вуйнович коронавирус пандемиясы қашан аяқталады деген сұраққа жауап бере алмаған болатын.
«Бірнеше критерий болады. Әлемнің барлық өңірлерінде бір мезгілде ауру жұқтырғандардың саны эпидемиологиялық шектен төмен деңгейге дейін азаятын болады. Бірақ шын мәнінде, денсаулық сақтау жүйесінде қалыпты жұмыс істеуге кедергі келтіретіндей жүктеме түспейді. Бұл оның қашан болатынын айту қиын», — деп атап өтті Мелита Вуйнович.