2024 жылы алғаш рет «Үлкен жетілік тобы» (G7) елдерінің көшбасшылары 24 ақпанда Ресейдің Украина аумағына басып кіруіне екі жыл болатын күні виртуалды кездесу өткізеді. G7-ге төрағалық ететін Италияның ақпараты бойынша, кездесуде Украинадағы күрделі жағдай талқыланады және бірлескен декларация қабылдау жоспарланып отыр.
Кездесуге Италия Премьер-министрі Джорджия Мелони төрағалық етеді. Шараға шақырылған Украина президенті Владимир Зеленскийге ерекше көңіл бөлінеді.
Бұл оқиға 2024 жылғы 1 қаңтарда басталған Италияның G7-ге төрағалығы аясында ерекше маңызға ие. Италия Сыртқы істер министрі Антонио Таяни Украина осы жылы «Үлкен жетілік тобының» жұмысында негізгі басымдықтардың бірі болып қала беретінін атап өтті.