G7 елдерінің көшбасшылары 2023 жылдың мамыр айында Хиросимада өтетін саммитке дайындалып жатыр.
Kyodo агенттігінің хабарлауынша, G7 елдері Ресейге қарсы санкцияларды кеңейту, оның ішінде Мәскеуге тауар экспортының барлық дерлік түрлеріне тыйым салу мәселесін талқылап жатыр. Тиісті шешім қабылданған жағдайда, ол 2023 жылғы мамырда Жапонияның Хиросима қаласында өтетін G7 саммитінде жариялануы мүмкін. Хабарда айтылғандай, G7 елдері қазірдің өзінде Ресейге кең ауқымды тауарлардың, соның ішінде әскери мақсатта пайдаланылатын тауарлар мен сән-салтанат тауарларының экспортын тоқтатқан. Бірақ жаңа шектеу шаралары қолданылған автомобильдерге, шиналарға, косметикалық құралдар мен киімдерге сауда эмбаргосын кеңейтуі мүмкін.
Сонымен қатар, 2023 жылғы мамырда өткен G7 саммитіне Ұлыбритания, Канада, Франция, Германия, Италия, Жапония, АҚШ және Еуропалық Одақ көшбасшылары қатысады. Іс-шара аясында Жапония премьер-министрі Фумио Кисида президент Владимир Зеленскийді кездесуге онлайн қосылуға шақырды.
Естеріңізге сала кетейік, G7 елдері әлемдегі өңделмеген алмаздардың ірі жеткізушісі болып табылатын ресейлік «Алроса» алмаз өндіру компаниясынан салмағы бір карат ірі гауһарларға қатысты жаңа санкциялар енгізуді жоспарлап отыр.