Қаржы министрліктері мен Орталық банктердің басшылары 23 ақпанда өтетін кездесуде Ресейге қарсы санкция салу мәселесін талқылайды.
Жапонияның Қаржы министрі Сюнъити Судзуки Украинаға көмек көрсету мәселесі де көтерілетінін хабарлады.
Кездесу Бангалорда өтетін G20 отырысының алдында өтеді. Бұл туралы Reuters агенттігі хабарлады.
Жапония министрі төрағалық ететін кездесудің басты тақырыптарының бірі Украинадағы жағдайға байланысты Мәскеуге санкциялық қысым жасау болады, деді Судзуки 21 ақпанда министрлер кабинеті отырысының қорытындысы бойынша журналистерге берген сұхбатында. Тараптар Киевке көмек көрсету мәселесін талқыламақ.
Kyodo агенттігі дереккөздерге сілтеме жасап, Судзуки елдің өкілі — G7 төрағасы ретінде Украинаға Дүниежүзілік банк тобының қатысуымен құрылатын жаңа қор арқылы көмек көрсету жоспарын түсіндіруді жоспарлап отырғанын хабарлады.
Токио биыл Үлкен жетілікке төрағалық етеді және мамыр айында Хиросимада оның саммитін өткізеді.