Франция СІМ басшысы Еуроодақ елдерінің сыртқы саяси ведомстволары басшыларының кездесуінде сөйлеген сөзінде Украинаға танк жеткізу мәселесіне ғана бас қатырып отырмауға шақырды. Катрин Колоннаның пікірінше, «Киевтің қазіргі қажеттіліктерін» қанағаттандыруға назар аудару қажет.
«Украинаға қажет болғанша көмектескіміз келсе, онда танктерді жеткізу мәселесіне ғана назар аудармау керек. Қазір Украинаға — әуе шабуылына қарсы қорғаныс элементтері, оқ-дәрілер және техникаға қызмет көрсету қажет», — деді министр.
Ол қару-жарақты одан әрі жеткізу туралы шешім одақтастармен кеңесе отырып қабылданатынын нақтылады.
Бұған дейін дүйсенбі күні РФ президентінің баспасөз хатшысы Дмитрий Песков Украинаға қару-жарақ жеткізуге қатысы бар елдер жауапкершілікке тартылатынын» мәлімдеді.