Финляндия билігі Ресеймен шекарада қоршау салуға ниетті екенін мәлімдеді. Бұл туралы Финляндия Республикасы СІМ баспасөз қызметі хабарлады.
Финляндия билігі Ресеймен шекарада «елді қорғау» үшін қоршау салмақ. Бұл туралы 10 маусымда Ішкі істер министрлігі (ІІМ) хабарлады.
Балтық гамбиті: Финляндия НАТО-ға мүше болу үшін қандай құрбандыққа барды
Биліктің шешімінен ел халқы зардап шегеді.
«Финляндия үкіметі [Ресеймен] шығыс шекарасындағы аудандарда қоршау салуды жоспарлап отыр», — делінген Финляндия ІІМ-нің мәлімдемесінде.
Осылайша, ІІМ мәліметінше, ел билігі «гибридтік сипаттағы қатерлермен» және «саяси қысым көрсету мақсатында миграциялық мәселені пайдаланумен» күресуді жоспарлап отыр.
Қоршауды салу үшін республиканың шекара қызметіне қосымша қаражат бөлінеді, делінген құжатта.
Сонымен қатар, бөгет салу процесін қамтамасыз ету үшін шекаралық күзет туралы заңға түзетулер енгізіледі, делінген ведомство материалында.
Мамыр айында Финляндия мен Швеция НАТО-ға қосылуға өтініш берді.
5 маусымда Финляндия мемлекеттік қауіпсіздік полициясының басшысы Антти Пелттари альянсқа қосылуға байланысты Ресейдің Финляндияға қысым көрсетіп жатқан жоқ деп мәлімдеді. Ол Финляндияның НАТО-ға кіру туралы өтінішін талқылау кезінде Хельсинкі Мәскеудің кибершабуыл мен гибридтік шабуыл жасайды деп қауіптенгенін, алайда олай болмағанын атап өтті.
РФ президентінің баспасөз хатшысы Дмитрий Песков Пелттаридің сөзіне пікір білдіре отырып, Ресей Финляндияға мен Швецияға ешқашан қауіп төндірмегенін айтты.
