Еуропада газдың бір мың текше метрінің құны 1200 АҚШ долларына жетті.
Бұған ICE биржасының деректері дәлел.
TTF хабындағы маусым айындағы фьючерстерінің бір мың текше метр құны 1236,3 долларға немесе бір мегаватт-сағаты 114,745 еуроға дейін өсті. Жалпы, бір күн ішінде газ құны 20%-ға артты.
lenta.ru хабарлауынша, «Украина ГТҚ операторы» Луганск облысындағы «Сохрановка» газ тарату станциясы арқылы Еуропаға газ транзитін тоқтатқан. Бұл шешім форс-мажорлық жағдайларға байланысты — «Сохрановка» және «Новопсков» шекаралық компрессорлық станциясы (КС) арқылы газ тасымалдау мүмкін еместігіне байланысты қабылданды.
Осыған байланысты тасымалдау уақыттарында ауытқу болады, газ қабылдау жүзеге асырылмайды.
