Лондон ICE биржасының мәліметінше, Еуропада газ бағасы қайта көтерілді.
Сейсенбі күні Польшаға Ресей газын жеткізу тоқтатылуы мүмкіндігі туралы жаңалықтар аясында биржадағы сауда-саттық қорытындысы бойынша 1 мың текше метр үшін 1100 долларға дейін (496 мың теңгеден астам) көтерілді.
Нидерландыдағы TTF хабындағы мамыр фьючерсінің бағасы 1 мың текше метр үшін 1091 долларға дейін (шамамен 493 мың теңгеге) немесе МВт/сағ үшін 99 еуроға дейін өсті, ал шарықтау шегінде 1179 долларға дейін (532 мың теңгеден астам) көтерілді.
Жалпы алғанда, газ құны бір күнде 6,6%-ға өсті.
Бұған дейін БАҚ хабарлағандай, Ресей Ямаль келісімшарты аясында Польшаға газ жеткізуді тоқтатқан болатын. Алайда «Газпром» бұл ақпаратты жоққа шығарып, «төлемдердің жаңа тәртібіне сәйкес» төлеуді күтіп отырғанын айтты.
Шетел валюта Газпромбанкке түсуі керек, ол биржадан рубльді сатып алып, импорттаушылардың арнайы рубльдік шоттарына аударылатын болады.
