Еуроодақ Ресейге қарсы кезекті 11-ші санкция пакетін дайындап жатыр. Жаңа санкциялардың негізгі мақсаты — бұрын енгізілген шектеу шараларын айналып өтуді болдырмау.
Бұл Еуропа елдері Ресейге қарсы салған санкциялардың он бірінші пакеті. Қаржы қызметтері жөніндегі еурокомиссар Мейрид Макгиннес мәлімдегендей, Ресейдің жаңа санкциялардан айналып өту жолдарын таба алмайтынына көз жеткізу қажет. БАҚ бұған дейін жаңа шектеу шараларын енгізуді талқылау католиктік Пасхадан кейін басталуы тиіс деп хабарлаған болатын.