БАҚ-тың хабарлауынша, Еуроодақ қара тізімді одан әрі кеңейту, РФ-ның тағы бірнеше банктерін SWIFT жүйесінен ажырату және Ресейден мұнай жеткізуге ішінара эмбарго салуды жоспарлап отыр, ол тек кейінге қалдырылған режимде енгізілуі мүмкін
Еурокомиссия (ЕК) 3 мамырда еурокомиссарлар алқасының отырысында ЕО-ның Ресейге қарсы санкцияның алтыншы пакетін талқылайды. Бұл туралы энергетика жөніндегі еурокомиссар Кадри Симсон дүйсенбі күні ЕО энергетика министрлерінің кезектен тыс кездесуінде мәлімдеді.
«Ертең ЕК алқасының кезекті отырысында бұл мәселе талқыланады, содан кейін [Еурокомиссия төрағасы Урсула фон дер Ляйен] қосымша ақпарат беретініне сенімдімін», — деді Симсон.
ЕО-ның Ресей мұнайына эмбарго салу туралы шешім қабылдайма деген сұраққа жауап бере отырып, ол тек ЕО «санкциялардың кезекті пакетін әзірлеп жатыр» деп мәлімдеді.
Брюссельдегі рәсімге сәйкес, санкция жобасын алдымен Еурокомиссия мақұлдауы керек, содан кейін оны ЕО елдерінің 27 елшісінің қарауына ұсынады, елшілер мақұлдағаннан кейін санкция ЕО Кеңесін СІМ басшылары деңгейінде бекітілуі тиіс. Бұрын санкциялар түбегейлі бекітілгеннен кейін ғана ресми түрде жарияланған болатын. Бірақ наурыздан бастап фон дер Ляйен санкциялық ұсыныстардың расталмаған жиынтығын Еурокомиссиямен келісілгеннен кейін бірден жария ете бастады. Ашық ақпарат көздерінен алынған ақпарат бойынша, бұл ЕО елдеріне қосымша қысым көрсету үшін жасалуда.
Еуропалық БАҚ-тың хабарлауынша, санкцияның алтыншы пакеті аясында ЕО-ның қара тізімін одан әрі кеңейту, ресейлік тағы бірнеше банктерді SWIFT жүйесінен ажырату және Ресейден мұнай жеткізуге ықтимал ішінара эмбарго салу талқыланып жатыр, ол 2023 жылдың басынан бастап кейінге қалдырылған режимде ғана енгізілуі мүмкін.
Еурокомиссияның мәліметінше, ЕО-ға Ресейден газдың 40%-ы, мұнайдың 27%-ы және көмірдің 46%-ы жеткізіледі. Көмір жеткізуге эмбарго сәуір айында қабылданған санкцияның бесінші пакетінің бір бөлігі аясында салынды, сондай-ақ ол кейінге қалдырылған режимде қабылданды және тамыздан бастап күшіне енеді.
