Алматы облысының тұрғыны 16 ұрлық жасады деген күдікке ілінді.
Талғар полициясы мешіттерде ұрлық жасады деген күдікпен 25 жастағы жігітті ұстады.
Ақпан айының соңынан бастап Талғар аудандық полициясына Тұздыбастау, Гүлдала, Қызыл ту және Панфилов кенттерінде орналасқан мешіттердің жамағатынан өтініштер түсе бастаған.
Үнемі қорғаныс маскасын киетін ер адамның әрекеті көшедегі бейнебақылау камерасына түсіп қалған.
Күдікті ақшам намазы уақытын пайдаланып, жамағаттың ақша, ұялы телефондар мен бағалы заттарын ұрлаған. Ол мешіт ішінде де, сыртында да қылмқ ниетін жүзеге асырған, тұраққа қойылған көліктерді де тонаған. Көліктердің пластикалық негізі және болат ұшы бар арнайы балғамен сындырып ашқан, — дейді Талғар аудандық полиция бастығының орынбасары Андрей Бурьянский.
Ер адам бұрын ұрлық жасағаны үшін жауапкершілікке тартылған Есік қаласының тұрғыны. Қазір ұсталған адам өңір аумағында басқа да осыған ұқсас ұрлықтарға қатыстылығы тексерілуде.
