Алматыда еріктілер «Мектепке жол» акциясы аясында көп балалы және аз қамтылған отбасылардың балаларына көмек көрсетеді.
«Қазақстан еріктілер лигасы» ҚҚ Алматы филиалының төрағасы Бағдат Анарбаева «Мектепке жол» акциясы аясында ерікті көмекшілер кеңсе тауарларын, бірінші сынып оқушыларына арналған сөмкелерді жинады.
Мұқтаж 50 отбасы қамтылып, олардың балаларына шағын сыйлықтар берілді. Қашықтықтан оқыту форматына байланысты техниканың жетіспеушілігі бар. Біз еріктілермен техниканы жинап, техниканы жөндеп, жұмыс істеп тұрған компьютерлер мен планшеттерді аз қамтылған отбасыларға таратамыз. Айдың соңына дейін мұқтаж отбасыларды қамтып, оларды техникамен қамтамасыз ете аламыз. Еріктілер мұқтаж отбасыларға тегін репетиторлық курстар өткізеді, — деп хабарлады Бағдат Анарбаева.
Өз кезегінде Jas Otan Almaty еріктілері «Мектепке жол» акциясы аясында 1,5 мыңнан астам отбасына көмек көрсетті.
1,5 мыңнан астам алматылық отбасы планшеттер, кеңсе тауарлары бар рюкзактар, веб-камералар және т.б. заттар алады. Партиялықтар қайырымдылық ақшасының басым бөлігін оқушыларға компьютерлік техника сатып алуға жұмсады — олар планшеттер, ноутбуктер, веб-камералар. Көмекті байланыссыз жеткізуді алматылық жас отандықтар сақтық шараларын сақтай отырып қамтамасыз етеді, — деп атап өтті Алматы қалалық Jas Otan жастар қанатының басшысы Мәди Ахметов.
Акцияны жүзеге асыру үшін «Еріктілер корпусы» жобасы аясында Jas Otan ЖК-нің 50-ден астам еріктілері оқытылып, даярланды.
Бұдан басқа, алматылық жас отандықтар қала әкімдігінің Білім басқармасымен бірлесіп 15 қыркүйекке дейін мұқтаж отбасылардың балаларына арналған планшеттер мен ноутбуктерді жеткізуге көмектеседі.