Алматы мен Нұр-Сұлтанда 5G интернет желісін сынау басталды. Алғашқы өлшемдер жақсы нәтиже көрсетуде.
Жұмыстар Нұр-Сұлтан мен Алматының кей аудандарында жүргізілуде. Бұл туралы цифрлық даму, инновациялар және аэроғарыш өнеркәсібі министрі Бағдат Мусин хабарлады.
«Кейбір астаналықтар мен алматылықтар интернеттің жылдамдығы едәуір ұлғайғанын байқаған да шығар. Біз 5G желісін сынақтан өткізу үшін жиілік диапазонын бөлген болатынбыз. Байланыс операторлары Нұр-Сұлтан және Алматының кей жерлерінде 5G желісін тесттен өткізіп жатыр, — деп жазды министр Instagram парақшасында.
Бағдат Мусин алғашқы өлшемдер жақсы нәтиже бергенін атап өтті.