Польша президенті Дуда Украинада қалыптасқан жағдайға байланысты Африкадағы астық тапшылығы ауқымды миграцияға алып келетінін мәлімдеді.
Украинада қалыптасқан жағдайға байланысты Африкада астық тапшылығы Еуропаның оңтүстігіне мигранттардың жаппай ағылуына және Солтүстік Африкада жағдайды тұрақсыз етеді. Бұл туралы сейсенбі күні Польша президенті Анджей Дуда Давостағы Дүниежүзілік экономикалық форум аясында өткен іс-шарада мәлімдеді.
«Егер Украина Солтүстік Африкаға — Мысырға және басқа елдерге өз астығын экспорттамаса, ауыр дағдарыс болады», — деп ол, Украина — Мысырдың астық қажеттілігінің 80%-ын қамтамасыз ететін ірі серіктес екенін атап өтті.
«Егер Солтүстік Африкаға жеткізілім болмай, аштыққа тап болса онда Испания мен бүкіл Еуропа оңтүстіктен жаппай миграция проблемасына ұшырайды. Африка елдерінде және басқа да мемлекеттерде тұрақсыздық қаупінен бөлек, миграция қысымы болатыны анық «, — деп атап өтті Дуда.
«Біз Украинаның өз астығын экспорттауы үшін көңіл бөлуіміз керек», — деп есептейді Польша басшысы. Ол атап өткендей, Украина егін егіп, қазір «астықты кім жинайды және астық пен күнбағыс майын басқа елдерге қалай экспорттайды деген мәселе» туындап тұр.
«Одессадағы порт жабық. Сұрақ — біз оны аша аламыз? Біз астықты Польшаның порттарына, Клайпедаға, Румынияға тасымалдай аламыз ба? Бұл проблемалар шешуге тиіспіз , өйткені бұл Солтүстік Африкадағы ықтимал тұрақсыздық проблемасын шешудің жолы.
