Соңғы есеп бойынша, Донецк облысындағы ресейлік әскерилер Новомихайловка ауданына резервтерін шоғырландыруда. «Таврия» жедел-стратегиялық тобының өкілі Дмитрий Лиховий аталған стратегиялық маңызды елді мекен оккупациялануы мүмкін екенін ескертіп отыр.
Кескілескен шайқас жүріп жатқан Новомихайловкадағы әскери іс-қимылдар аясында Лиховий жау күшінің әскерилері күн сайын шабуыл жасап, бар күшін салып жатқанын атап өтті. Осыған қарамастан, Украина қорғаныс күштері шабуылдарға тойтарыс беріп келеді, жау күші ауыз толтырып айтарлықтай жетістікке қол жеткізе алмауда.