Қазақстанда АҚШ доллары бағамы өсіп барады. Астананың ақша айырбастау пункттерінде 466,5 теңгеден, Алматыда 468 теңгеден саудалануда.
Қазақстан қор биржасында (KASE) 25 қарашада сағат 11:06-дағы жағдай бойынша, доллардың орташа сараланған бағамы 464,89 теңге.
Елорданың ақша айырбастау пункттерінде сағат 11:15-дегі жағдай бойынша, америкалық валютаны сатудың максималды бағамы 466,5 теңгені, Алматыда — 468 теңге болды.
Ұлттық банктің 25 қарашадағы ресми (нарықтық) бағамы 1 доллар үшін 465,95 теңгені құрайды. Теңгенің долларға ресми бағамы келесі күні Қазақстан қор биржасындағы сауда-саттық нәтижелері бойынша белгіленеді.