Қазақстан қор биржасы (KASE) доллардың бағамы көтеріліп бара жатқанын хабарлайды. Сағат 15:30-дегі жағдай бойынша доллардың орташа сараланған бағамы тағы 0,66 теңгеге көтеріліп, 449,89 теңге болды. Сондай-ақ Қытай юанінің орташа сараланған бағамы 62,59 теңгеге (+ 0,01) дейін өскені байқалады.
Ұлттық банк еуро бағамын 491,26 теңге, рубль бағамын 4,93 теңге деп белгіледі.
Ақша айырбастау пункттерінде доллар 449,9-451,9 теңгеден, еуро 490,5-494,5 теңгеден, Ресей рублі 4,81-4,93 теңгеден саудалануда.
Сондай-ақ, 13 наурыздағы сауда-саттықта мұнайдың әлемдік бағасы өсті. ICE Futures электрондық сауда-саттық биржасында мамыр айында жеткізілетін Brent маркалы мұнайдың фьючерстерінің құны 0,17%-ға өсіп, барреліне 82,06 долларға жетті. NYMEX электрондық сауда-саттығында сәуір айында жеткізілетін WTI маркалы мұнайдың фьючерстері 0,13%-ға қымбаттап, барреліне 77,66 долларға жетті.