Молдова коронавирусқа қарсы ресейлік вакцинаны сатып алуға ниет білдіргенін мәлімдеді, ал ел президенті Игорь Додон елде бірінші болып екпе жасатуға дайын екенін, сол арқылы препаратқа толық сенім білдіретінін айтты.
“Осында (Додон қазір РФ-да жеке сапармен – ред.) мен ресейлік әріптестеріммен коронавирусқа қарсы вакцина мәселесі бойынша сөйлестім. Мен вакцина туралы Молдовада айтқанымда, күмәнмен қараған көп адамды байқадым. Сондықтан сіздерге Молдова азаматтарының ішінде ресейлік вакцинаны бірінші болып сынауға дайын екенімді айтқым келеді. Вакцина Молдоваға тезірек жеткізіліп, екпені еліміздің барлық азаматтары үшін жасағым келеді”, – деп жазды жұма күні” Фейсбуктегі”парақшасында.
11 тамызда Ресей коронавирусқа қарсы вакцинаны әлемде бірінші болып тіркеді, ол “Спутник V” деп аталды. Препаратты РФ Денсаулық сақтау министрлігінің Н.Ф. Гамалеи атындағы Эпидемиология және микробиология ұлттық зерттеу орталығы әзірледі және маусым және шілде айларында клиникалық сынақтан өтті. Ресей тікелей инвестициялар қорының басшысы Кирилл Дмитриев бұған дейін РФ вакцинаның 1 млрд дозасын жеткізу үшін 20 елден өтінім алғанын мәлімдеген болатын.
Молдавияда індет басталғалы бері ауру жұқтырған 31 937 адам тіркелген (халықтың 0,9%), оның 921-і қайтыс болды, 31 тамызға дейін денсаулық сақтау саласында ТЖ режимі жұмыс істейді. Ел тұрғындары қоғамдық көлікте және жабық қоғамдық орындарда бетперде киюге міндетті, бұқаралық мәдени іс-шараларға тыйым салынып, оқу орындарында сабақтар тоқтатылды.
