Дүниежүзілік денсаулық ұйымының басшысы Тедрос Адан Гебреисус коронавирусқа қарсы тағы бір, үшінші вакцинаны — Johnson&Johnson мақұлдағаны туралы ресми хабарлама жасады.
«COVAX аясында Johnson&Johnson вакцинасының 500 миллион дозасы қосымша дайындалды және біз оларды жақын арада аламыз деп үміттенеміз», — деді Гебрейесус.
ДДСҰ Johnson&Johnson вакцинасын бөлу әлемде халықты иммундауды едәуір жеделдетеді деп үміттеніп отыр. Бұл препарат Pfizer немесе Moderna сияқты тиімді емес, алайда оның бірқатар артықшылықтары бар.
Johnson&Johnson вакцинасын қарапайым тоңазытқышта сақтауға болады, бұл оны тасымалдау процесін айтарлықтай жеңілдетеді. Бұдан басқа, аталған препаратпен толық вакцинациялау үшін бір ғана доза қажет.
ДДСҰ атап өткендей, Johnson&Johnson компаниясы қазір өндірісті кеңейтіп жатыр және көп ұзамай вакцина жеткізу мөлшерін ұлғайта алады.
Аталған препарат ДДСҰ мақұлдаған үшінші вакцина болды. 31 желтоқсанда ұйым Pfizer/BioNTech вакцинасын, ал 15 ақпанда — швед-британдық компания AstraZeneca вакцинасын мақұлдаған болатын.