Дүниежүзілік денсаулық сақтау ұйымы (ДДҰ) алкогольге және тәтті сусындарға салықты көбейтуді ұсына отырып, қоғамдық денсаулыққа төнген қауіпке қарсы күресте батыл шаралар қабылдауға шақырады. Жыл сайын миллиондаған адамдар осы қауіпті өнімдерді ішіп зардап шегеді, тіпті қайтыс болып жатады.
ДДҰ мәліметтері бойынша, 2,6 миллионнан астам адам ішімдіктен, ал 8 миллионнан астамы дұрыс емес тамақтанбаудан қайтыс болады. Осы проблемамен күресу үшін ұйым барлық елдерде алкогольге акциз алымдарын енгізуге шақырады.
2017 жылғы жүргізілген зерттеуде алкоголь бағасын 50%-ға арттыратын салық жарты ғасырда 21 миллионнан астам өлімнің алдын алады және қомақты қосымша кіріс әкелетініні айтылған.
«Зиянды өнімдерге салық салу халықтың денсаулығын жақсартады және ауру мен жарақаттардың алдын алуға ықпал етеді. Бұл сондай-ақ мемлекеттік кірістер мен қоғам қауіпсіздігіне оң әсерін тигізеді», — деп атап өтті ДДҰ денсаулық сақтау бөлімінің директоры Рудигер Крех.
ДДҰ ұсыныстары шеңберінде барлық алкогольсіз және алкогольді ішімдіктерге акциз салығын енгізу ұсынылады, бұл қоғамдық денсаулықты жақсартуға және осы өнімдерді тұтынуға байланысты әлеуметтік проблемаларды төмендетуге ықпал етеді.