Бүгін, 2022 жылғы 13 қаңтарда әлем коронавирус жұқтырғандардың ең жоғары тәуліктік өсімі тіркелді.
Өткен тәулікте әлемде коронавирус жұқтырған 3,4 миллионға жуық адам тіркелді, бұл пандемия басталғалы бергі ең жоғары тәуліктік көрсеткіш. Бұл деректі сәрсенбі күні кешке Дүниежүзілік денсаулық сақтау ұйымы жариялады. Алғаш рет 24 сағат ішінде тіркелген ковид жағдайларының саны 3 миллионнан асты.
12 қаңтар Мәскеу уақыты бойынша сағат 20:04-де ДДСҰ-ға пандемия басталғаннан бері ковид жұқтырған 312 173 462 жағдай және 5 501 000 адам қайтыс болғаны туралы ақпарат келіп түсті. Індетке шалдығудың жаңа жағдайлардың саны өткен тәулікте 3 395 785-ке, өлім жағдайлары 7 735-ке жетті.
Алдыңғы антирекорд 6 қаңтарда тіркелген: 24 сағат ішінде ДДСҰ-ға індетке шалдыққандар туралы 2 618 130 хабарлама келіп түсті. ДДСҰ-ның статистикасы мемлекеттер ұсынатын жұқтырғандар мен қайтыс болғандар туралы ресми расталған мәліметтерді ғана ескереді. 12 қаңтарда 310 млн жағдай, 8 қаңтарда 300 млн жағдай, 9 қарашада 250 млн жағдай, ал 5 тамызда 200 млн жағдай тіркелді.
ДДСҰ-ға келіп түскен деректердің ең көп расталған жағдайлары АҚШ-та тіркелді — 61 332 277 жағдай. Одан кейін Үндістан (36 070 510), Бразилия (22 558 695), Ұлыбритания (14 732 598) және Франция (12 246 358) тұр. Ең көп өлім-жітім көрсеткіші АҚШ-та — 833 519, екінші орынды Бразилия (620 091), үшінші орынды Үндістан (484 655) тіркелді. Одан кейін Ресей (318 432) және Мексика (300 573) тұр.