Денсаулық сақтау мәселелері жөніндегі сарапшы және кеңесші Марат Мамаев медициналық мекемелердің тіркемелерді халықтың көмегінсіз толық бақылау мүмкін еместігін мәлімдеді.
Медициналық көмектің көлемі мен сапасы мәселелерінің мониторингін одан әрі пысықтау қажет. Бұл туралы экономика және денсаулық сақтауды қаржыландыру мәселелері жөніндегі сарапшы және консультант Марат Мамаев мәлімдеді
«Денсаулық сақтау министрлігінің статистикалық мәліметтеріне сүйенсек, халыққа өткен жылы амбулаториялық-емханалық сектор деңгейінде 99 млн қызмет көрсетілді. Медициналық сақтандыру қоры қанша кадрлары болса да, қанша күші болса да осының барлығын бақылай алмайды — тіркейді немесе тіркемейді. Әрине, ол үшін белгілі бір техникалық шешімдер бар «, — деді Марат Мамаев Сыбайлас жемқорлыққа қарсы іс-қимыл агенттігі алаңындағы онлайн-сұхбат барысында.
Оның айтуынша, бұл мәселеге ақпараттық жүйелерді жұмылдыру қажет.
«Мен медициналық көмектің көлемі мен сапасына мониторинг жүргізуді одан әрі пысықтау керектігімен келісемін. Қор бұл іспен қазір белсенді айналысып жатыр. Бұл тек Қазақстанның ғана проблемасы емес. Мұндай проблема бар және онымен әр ел әртүрлі күреседі. Басқа жағынан, халық бұл көмекті алған-алмағанын көре бастады.
Халық көлемдер мониторингіне қатысуы тиіс. Бұл өте үлкен потенциал», — деп атап өтті сарапшы.
Осыған байланысты, Марат Мамаевтың айтуынша, тоқсан сайын азаматтық бюджетті жариялап, халыққа бақылаумен айналысуға мүмкіндік беретін техникалық шешімдер қабылдау қажет. Бұған дейін Damumed бас директоры Наталья Киль тіркеу жағдайы қалай түзетіледі деген сұраққа жауап берген болатын.