Медициналық және фармацевтикалық бақылау комитетінің Қарағанды облысы бойынша департаментінде «Цефтриаксон» антибиотигін салдырғаннан кейін анафилактикалық шок салдарынан 40 жастағы ер адамның қайтыс болу фактісі бойынша тексеру нәтижелері бойынша медбикенің қателігінен науқас көз жұмған, деп хабарлайды eKaraganda.
2023 жылдың қараша айында ер адам ауруханада аталған препаратты салдырғаннан кейін қайтыс болды. Науқастың аталған препаратқа аллергиясы болғанына қарамастан, тері сынағы жүргізіліп, реакция болған жоқ. Алайда антибиотикті салғаннан кейін анафилактикалық шок болды.
Тексеру нәтижесінде антибиотикті салу кезінде бұзушылықтарға жол берілгені анықталды. Алынған деректер құқықтық баға беру үшін тергеу органдарына берілді. Аурухананың клиникалық фармакологы «Цефтриаксонға» жағымсыз реакциясы туралы ақпаратты Ұлттық дәрі-дәрмектерді сараптау орталығына жіберді.
Реаниматолог дәрігерлер кеңейтілген реанимациялық іс-шаралар (ACLS) хаттамасына сәйкес әрекет еткенімен, аллерголог дәрігермен және клиникалық фармакологпен консилиум өткізбегені анықталды.
Анықталған ұйымдастырушылық бұзушылықтарға байланысты ӘҚБтК-нің 80-бабы 1 және 2-бөліктері бойынша әкімшілік шара қабылданды. «Облыстық клиникалық аурухана» МКК басшысының ұйымдастыру-әдістемелік жұмыс жөніндегі орынбасары және медициналық қызметтердің сапасын бақылау жөніндегі басшының орынбасары жауапкершілікке тартылды. Емдеуші дәрігер өз еркімен жұмыстан шығарылады, ал инъекция жүргізген медбике жұмыстан шеттетіліп, басқа бөлімшеге ауыстырылады.
Медициналық ұйымның басшылығына осындай жағдайлардың алдын алу үшін шаралар қабылдау туралы нұсқама берілді. Ауруханада барлық ықтимал қатерлерді ескере отырып, дәрілік препараттарға аллергиялық сынақ жүргізу бойынша операциялық процедуралардың заманауи стандарты әзірленіп, енгізілді. Тексеру материалдары тергеу органдарына жіберілді.