Дәрігерлер 1,5-2 млн теңге үстемеақыға қарамастан СҚО-дан кетіп жатыр.
Солтүстік Қазақстан облысында дәрігерлердің тапшылығы өткір тұр. Қомақты үстемеақыға қарамастан, дәрігерлер өңірде ұзақ уақытқа қалып жұмыс істемейді.
2021 жылы облыста 285 маман жетіспеді, дәрігерлер тапшылығы солтүстікқазақстандықтарды алаңдатушылығын тудыруда. Тәжірибелі дәрігерлер басқа өңірлерге ауысуда немесе Ресейге жұмыс істеуге кетіп жатыр.
2021 жылы облыстық және қалалық ауруханалардан жеті, аудандық ауруханалардан 15 маман жұмыстан шығып кетті. Денсаулық сақтау басқармасы мұның себебі жайлы тұрғын үйдің болмауы деп болжап отыр.
«2021 жылдың соңында дәрігерлер тапшылығы 285 адамды құрайды: көпсалалы облыстық ауруханада 37 адам, қалалық №1 емханада 32 адам, облыстық фтизиопульмонология орталығында 25 маман жетіспейді», — деді Еркебұлан Баязитов.
Былтыр СҚО-ға 99 маман келуі керек болған. Алайда 49 адам ғана келді, 59 жұмысшы өзі келіп жұмысқа орналасты.
«121 дәрігер үстемеақы алды: 82-сі 1,5 млн теңге, 39-ы 2,5 млн теңге. «Дипломмен ауылға» бағдарламасы бойынша 150 маманға қолдау көрсетілді. 2022 жылға 250 млн теңге көлемінде үстемеақы бөлінді», — деді СҚО қоғамдық денсаулық сақтау бөлімінің басшысы.
Облыс әкімінің орынбасары Тимур Сұлтанғазиев тек СҚО-да жас дәрігерлерге 1-2,5 млн теңге көлемінде үстемеақы төленетінін атап өтті.
«Тұрғын үй құрылысы бойынша ұсыныстар өзекті, бұл мәселені облыс әкімі деңгейінде көтеретін боламыз. Кетіп жатқан жас мамандардың мәселесі бойынша бас дәрігерлер кадрларға жағдай жасап, жас қызметкердің барлық мәселесін түсінетін және оларды басшылыққа жеткізетін тәлімгерді бекітуі қажет», — деп мәлімдеді әкім орынбасары.