Медициналық ЖОО мен колледж студенттері еліміздің барлық басқа студенттері сияқты қашықтықтан оқыту нысанына ауыстырылды. Ата-аналар балалары алатын білім деңгейіне наразы
Ата-аналар жоғары оқу орындарының студенттері алатын білім сапасына наразы. Медициналық колледждегі студенттердің бірінің анасы қашықтықтан білім беру студенттерге тапсырмаларды орындау кезінде көшіріп алуға мүмкіндік беретінін мәлімдеді.
egov.kz сайтында «Ашық диалог» бөлімінде Білім және ғылым министрі Асхат Аймағамбетовке Балқаш қаласының тұрғыны Елена Кондартенко жүгінді. Ол қызының медициналық колледжде оқитынын, бірақ білім сапасының ешқайда жарамайтынын айтты.
«Қашықтықтан оқытудың сапасына назар аударып, тиісті шаралар қолдануыңызды сұраймын. Студенттер екінші курста оқытушылардан дәріс алуы керек. Оқу интернеттен іздестіру және конспект жасау тапсырмасы түрінде өтеді. Бұл уақытта студенттер тәжірибеден өтеді. Мұндай онлайн-тәжірибені орынсыз деп есептеймін. Болашақ дәрігерлерге көрсетіп тұру керек және «қол қою» керек», — деп жазды алаңдаулы әйел.
Сондай-ақ, ол қызы оқитын медициналық ЖОО-дағы тобында небәрі 15 адам оқитынын атап өтті. Интернеттегі конспектілерге балама ретінде әйел «аптасына кемінде екі рет» жарты топпен кездесуді ұсынды.
«Аптасына екі рет жеті адамнан жинауға болады. Алғашқы көмекті және тағы басқаларын көрсетуге. Ғимарат екі метр арақашықтықты сақтауға мүмкіндік береді! Бұл біздің болашақ дәрігерлеріміз және олар дипломды жай ғана «сатып ала салады». Яғни, оқу үшін ақы төлейміз, ал білім алмаймыз. Өтінішке назар аударуыңызды сұраймын», — деп жазды Елена Кондратенко.
Білім министрі Асхат Аймағамбетов наразы болған қазақстандық әйелдің хабарына бұл мәселе Денсаулық сақтау министрлігіне жіберілетінін айтты.