Қазақстан Дүниежүзілік банктен қазіргі билік институттарының жоғары бағалауына қол жеткізді. Біздің елімізге реформаларға айырбастап несие беретін әлемдік деңгейдегі қаржы ұйымы Қазақстан Республикасы үкіметінің билік институттарын нығайтуға бағытталған жұмысын жоғары бағалады.
Дүниежүзілік банктің жыл сайынғы «Дүниежүзілік үкіметтік индикаторлар» сауалнамасына сәйкес, Қазақстан көрсеткіштерін жақсартты.
Зерттеу әдістемесі мемлекеттік басқару сапасының барлық негізгі параметрлерін кешенді түрде көрсететін алты негізгі индикаторды қолданады.
Осылайша, жаңартылған есепте Қазақстан 6 көрсеткіштің 5-і бойынша жақсарғанын көрсетті:
- Үкімет жұмысының тиімділігі;
- Реттегіш климаттың сапасы;
- Саяси тұрақтылық;
- Заң үстемдігі;
- Сыбайлас жемқорлыққа қарсы күрес.
Атап айтқанда, Дүниежүзілік банк үкіметтің билік институттарын күшейту, олардың тиімділігін, ашықтығы мен болжамдылығын арттыру жөніндегі дәйекті жұмысын жоғары бағалады.
Зерттеуге сәйкес, үкімет жұмысының тиімділігі мемлекеттік аппарат жұмысының сапасы мен саяси және экономикалық бағытта тұрақтылық саласындағы, сондай-ақ халықтың негізгі мемлекеттік қызметтерді (көлік, инфрақұрылым) көрсетуге қанағаттану деңгейінің өсуі есебінен жақсарды.
Реттеуші климаттың сапасы бойынша Қазақстан бірнеше жыл бойы қалған бес көрсеткішпен салыстырғанда ең жақсы нәтижелерді көрсетіп келеді. 2019 жылы Қазақстан шетелдік инвесторлар үшін бизнес жүргізу тәуекелдерін азайту бойынша тиімді шаралар есебінен өз позициясын жақсартты.
Банк сондай-ақ биліктің сабақтастығын қамтамасыз ету, сондай-ақ ішкі және сыртқы қақтығыстардың болмауы есебінен елдегі саяси тұрақтылық көрсеткіштерінің жақсарғанын атап өтті.
Заң үстемдігінің көрсеткіші бойынша прогресс дауларды баламалы реттеу жүйесін дамыту, азаматтық және қылмыстық заңнамаларда құқықтық тәртіпті және жақсартуды қамтамасыз ету есебінен байқалды.
Зерттеуде атап өтілгендей, сыбайлас жемқорлыққа қарсы күрес индикаторы халықтың сыбайлас жемқорлықты қабылдауының қосалқы индикаторлары бойынша жақсару және бизнесті жүргізу үшін сыбайлас жемқорлық тәуекелдерін төмендету есебінен артты.
WGI есепті озық халықаралық қаржы ұйымдары, даму институттары және рейтингтік агенттіктер ұлттық экономикалардың болжамдары мен кредиттік бағалауларын қалыптастыру үшін кеңінен пайдаланады.
Зерттеу нәтижелері бойынша Fitch рейтингтік агенттігі ұлттық экономиканың «BBB» деңгейіндегі кредиттік бағасын нығайта отырып, Үкімет жұмысының тиімділігіндегі оң динамиканы атап өтті.
Биылғы жылдың тамыз айында пандемиядан туындаған әлемдік экономикалардың кредиттік бағаларын ауқымды қайта қарау аясында Fitch Қазақстан экономикасын «BBB» деңгейінде андемияға дейінгі бағалауды растады, болжам «тұрақты».
Кредиттік агенттік ұлттық экономиканың кредиттік рейтингін ұстап тұруға мүмкіндік берген факторлар мемлекеттік борыштың төмен деңгейі, мемлекеттік институттардың күшеюі, едәуір фискалдық резервтер, оның ішінде шетел валютасында болды.
Бұдан басқа, Fitch сыртқы нарықтардағы құбылмалылыққа қарамастан, өндіруші және қайта өңдеу секторларындағы экономика өсімінің әлеуетін, сондай-ақ Үкіметтің дағдарысқа қарсы шараларды қалыптастырудағы икемділігі мен жеделдігін жоғары бағалады.
Дүниежүзілік банк 2020 жылғы 25 қыркүйектегі World Government Indicators (WGI) жыл сайынғы есебінің жаңартылуын жариялады.
WGI — Дүниежүзілік банк тобының мемлекеттік басқарудың сапасы мен тиімділігі саласындағы әлем елдерінің жетістіктерін өлшейтін кешенді зерттеуі.