Қазақстандықтар эпидемиологиялық қауіптілік бойынша статусын анықтайтын
қосымшаны пайдалануға мәжбүрлейді. Осылайша, медициналық құпиядан құралатын ақпараттың беті ашылады. Жаңашылдыққа заңгерлер мен құқық қорғаушылар әлі құқықтық баға берген жоқ.
Қазақстанда әлеуетті эпидемиологиялық қауіптілікті білдіретін қазақстандықтарға «түсті» мәртебе беру бойынша жаппай бақылаудың пилоттық жобасы іске қосылады. Бірінші кезеңде мобильді қосымшаның көмегімен бұл өткізу жүйесін бірқатар қоғамдық ұйымдарға енгізу жоспарлануда
Қазақстанда эпидемиологиялық ахуалды талдау мақсатында Ashyq қосымшасы әзірленді, деп хабарлады цифрлық даму министрлігі.
Пилоттық жоба spa-орталықтар, фитнес-орталықтар және кинотеатрлар карантиндік шаралар кезеңінде қызметі шектелген мекемелерде жүргізіледі. Енді, осы орындарға бару үшін арнайы QR-кодты сканерлеп, кіреберісте көрсету қажет.
«Қосымша өз кезегінде қызыл, сары, көк және жасыл мәртебелерге бөлінетін тәуекел рейтингін көрсетеді», — делінген хабарламада.
Қызыл мәртебе қозғалысты шектеуді, сондай-ақ амбулаториялық бақылаудағы адамдар үшін үйде оқшаулаудың қатаң режимін сақтауды білдіреді.
Сары – қозғалысты ішінара шектеу – пайдаланушы ПТР деректер қорында байланыста болған ретінде көрсетілген: пациент үйден оқшаулау режимін сақтайтын жерден 500 метрден аспайтын азық-түлік және шаруашылық дүкендерге, дәріханаларға баруға рұқсат етіледі.
Көк – ПТР міндетті болатын орындардан басқа (мысалы, әуежайда) қозғалысқа ешқандай шектеулер жоқ.
Жасыл мәртебе қозғалыста ешқандай шектеулер жоқ екенін білдіреді. Бұл пайдаланушы деректер қорында COVID-19 теріс нәтижесі бар ПТР-тестілеуден өткен адам ретінде көрсетілген.
Министрлік аталған мәртебелерді көрсету бизнеске өз қызметін жалғастыруға және келушілерге қауіп төндірмеуге мүмкіндік беретініне сенімді.
Келушілерде смартфон болмаған жағдайда қосымшада үй-жайға кіруді бақылайтын қызметкерлерге арналған функция бар, олар келушінің мәртебесін ЖСН немесе жеке куәлікте орналасқан штрих-кодты сканерлеу арқылы тексере алады.
Пилоттық жобаның қорытындысы алдағы уақытта Қазақстанның басқа қоғамдық орындарына — сауда-ойын-сауық орталықтарына, дүкендерге, мейрамханаларға, дәмханаларға, вокзалдарға, әуежайларға және т.б. кіру үшін мобильді қосымшаны көбейту мерзімін одан әрі анықтауға мүмкіндік береді.
Қазіргі таңда Ashyq мобильді қосымшасы App Store және Play Market-те жүктеу үшін қолжетімді.