Чехия ресейліктер мен белорустықтарға виза беруге тыйым салуды ұзартты

Чехия Ресей Федерациясы мен Беларусь Республикасының азаматтарына виза беруге тыйым салуды ұзартты. Ел үкіметі аталған шешімді мақұлдады.

Оған сәйкес Ресей мен Белоруссия азаматтарына 2023 жылғы наурыздың соңына дейін тұру ықтиярхаты мен елге кіруге виза берілмейді.

«Бұл қадам Украина аумағындағы қарулы қақтығысқа байланысты Чехия Республикасының сыртқы саяси мүдделерін қорғауға бағытталған», — делінген СІМ мәлімдемесінде. Құжатта виза беруге тыйым салу Чехияның қауіпсіздігін нығайту үшін Ресей мен Белоруссияға қысымды күшейтуі тиіс деп айтылған.

Чехия ұлттық және шенген визаларын, сондай-ақ ресейліктер мен Беларусь азаматтарына тұру ықтиярхаттарын беруді 24 ақпаннан кейін тоқтатты. Тек гуманитарлық виза алушыларға, сондай-ақ визасы бар және тұру ықтиярхаттар иегерлеріне ғана ұзартуға рұқсат беріледі.

Добавить комментарий