Соңғы айларда Ресей билігінің өкілдері Ресей бейбіт келіссөздер жүргізуге дайын екенін жүйелі түрде мәлімдеп келеді. Мәселен, Ресей СІМ басшысының орынбасары Сергей Вершинин РФ Украинамен «бар шындық негізінде» және Ресей тарапы белгілеген мақсаттар бойынша келіссөздерді бастауға дайын екенін мәлімдеді. Алайда, батыстық сарапшылар «Кремльдің осы келіссөздерді жүргізетініне ешқандай дәлел жоғын» сендіруде.
Сондай-ақ кейбір батыстық басылым беттерінде Украина президенті батыс елдерінің шенеуніктері Владимир Зеленскийді Путинмен келіссөздер үстеліне отыруға көндіріп жатқаны туралы ақпарат шықты. Атап айтқанда, Франция президенті Эммануэль Макрон мен Германия канцлері Олаф Шольц Парижге сапары барысында Зеленскийге келіссөздер жүргізуге итермелегені айтылған.
Фото: Сондай-ақ, батыс басылымдарында батыстық шенеуніктер Украина президенті Владимир Зеленскийді Путинмен келіссөз жүргізуге көндіріп жатқаны туралы ақпарат пайда болды
«Айта кету керек, мұндай ақпарат алғаш рет пайда болып отырған жоқ. Күзде АҚШ президенті Джо Байденнің әкімшілігі Украинаның ресми тұлғаларын Путинмен келіссөздер жүргізуге дайын екендігін мәлімдеуге шақырды деген ақпарат болды. Өз кезегінде Украина билігінің өкілдері мұндай ақпарат шындыққа жанаспайтынын айтып отыр», — дейді батыстық саясаттанушылар.
Қалай болғанда да, ресейліктерде ел президенті сындарлы диалогқа ашық, ал Батыс шын мәнінде Украинаны келіссөзге көндіріп, келісімге келуі мүмкін деген пікір қалыптасуы мүмкін. Демек, соғыстың аяқталуы жақын.
Алайда, украиналық саяси технологтар Украина аумағында соғыс жақын арада яқталмайтынын айтып отыр.
«Ресей президенті Киевтің талаптарын толық орындап, әскерлерін тәуелсіз мемлекет аумағынан шығаруға дайын болған кезде ғана соғыс аяқталады. Оған дейін батыстық санкциялар Ресей экономикасын құрдымға жіберіп, ресейліктердің орташа өмір сүру сапасын төмендетеді, ал соғыс елдің еңбекке қабілетті жас ер халқының едәуір бөлігін жер жастандырады», — дейді украиналық саясаттанушылар.
Фото: Сондай-ақ, батыс басылымдарында батыстық шенеуніктер Украина президенті Владимир Зеленскийді Путинмен келіссөз жүргізуге көндіріп жатқаны туралы ақпарат пайда болды
Олар Путиннің келіссөздер бастау ниетіне қатысты былай деп жазып жатыр: «Путиннің кесірінен ресейліктер мен мемлекет проблемаларға тап болып отыр. Оның риторикасы өзгерген жоқ. Ол соғысуға дайын, ал орасан зор шығын саны оны алаңдатып отырған жоқ. Ол әлемді ядролық қарумен қорқытуда, сондай-ақ өзінің империялық амбициясынан — Украинаның ең болмаса бір бөлігін басып алудан бас тартпауда».
Батыстың саясаттанушылары да Украинаға жасалып жатқан қысымға қатысты пірік білдірді. «Батыстық әріптестер тарапынан Украинаға жасалған қысымға қатысты айтар болсақ. Бұл толық ақылға сыйымсыз зат. Қазіргі таңда бірде-бір еуропалық көшбасшы өз сайлаушыларына Украинаға қысым жасап, агрессор Ресей жағына өтк керектігін айтпайды. Еуропаның бірде-бір мемлекет басшысы Еуропаның орталығында соғыс ашып, түрлі мемлекеттерді миллиондаған босқындарды қабылдауға, ондаған миллиард доллар жұмсауға, газ тасымалдау жүйесін толық қайта құруға мәжбүр еткен адаммен келісуге ұлтиматум қоймайды».
Мысал ретінде Ангела Меркель келтірілген. «Меркельдің үлгісі Батыс агрессорға қарсы күресте Украина жағында қала беретінін, ал бейтарап позицияны ұстанатын немесе ресейлік тарапты қолдайтын саясаткерлердің сынға ұшырайтынын көрсетеді. Бундестагтағы қорғаныс мәселелері жөніндегі комитет басшысы Мари-Агнес Штрак-Циммерманн бұрынғы канцлерді Ресейдің Украинаға шабуылына қатысы бар деп жанама түрде айыптаған мәлімдеме жасады», — дейді сарапшылар.
Жоғарыда аталған пікірлер негізінде саясаттану саласының мамандары «Ресей қоғамы елдің қалыпты өмірге қайта оралуын күтпей-ақ қойса болады» деп мәлімдейді.