Қазақстанның Еңбек және халықты әлеуметтік қорғау министрлігінің баспасөз қызметі былтыр өндірістік жарақаттан қанша адам қаза тапқанын хабарлады.
Өндірістегі жазатайым оқиғалардан 1465 жұмыскер зардап шекті, оның 203-і қаза тапты.
Осылайша, 2022 жылы өндірістік жарақаттану коэффициенті (1000 жұмыскерге шаққандағы жазатайым оқиғалардың жиілігі) 0,22 құрады.
Экономиканың салалары бойынша ең көп зардап шеккендер тау-кен металлургия кешенінің өнеркәсіптерінде – 16,2 % және құрылыс саласында – 15 %.
Жазатайым оқиғалардың орын алуының негізгі себептері:
жәбірленушінің өзінің өрескел абайсыздығы (33,9%);
өндірістегі жұмыстың тиісті деңгейде ұйымдастырылмауы (29%);
жол қозғалысы ережелерін бұзу (9,4%);
қауіпсіздік және еңбекті қорғау ережелерін бұзу.
Еңбек министрлігі соңғы бес жылдың ішінде мемлекеттік органдар мен жұмыс берушілердің еңбекті қорғау саласы бойынша қабылданған кешенді шаралардың нәтижесінде өндірістік жарақаттану деңгейі 6,5%-ға түсті.
Еліміздің 2800 кәсіпорны қауіпсіздік пен еңбекті қорғау стандарттарын енгізді. 2019 жылдан бастап Министрлік тарапынан «Нөлдік жарақат — Vision Zero» тұжырымдамасын жетілдіру болйынша белсенді жұмыс атқарылуда. Оған бүгінде 332 кәсіпорын қосылды.