Болгария парламенті Украинаға қару жеткізу мәселесіне қатысты шешім қабылдағанын мәлімдеді. Киевпен келісім мақұлданды.
Болгария парламенті жұма күні Болгария мен Украинаның әскери ведомстволары арасындағы Киевке қару-жарақ, техника мен оқ-дәрілерді тегін беруге қатысты келісімді ратификациялады. Берілетін қарудың тізімі құпияландырылған.
Келісімді 166 депутат қолдап дауыс берсе, 48-і қарсы болды. Болгар социалистер коалициясы мен «Возрождение» партиясының өкілдері қарсы дауыс берді.
«Біздің залда соғыс коалициясы бар екені анық, сондықтан ресми түрде Болгария президенті Румен Радевке осы заңға вето қоюды сұраймын», — деп мәлімдеді мінберден «Болгария үшін болгар социалистік партиясы» коалициясының жетекшісі Корнелия Нинова. Ол Мемлекет басшысына бұл жөнінде жазбаша өтініш жіберілетінін атап өтті.