Украинаның бірінші ханымы Елена Зеленская журналист Пирс Морганға берген сұхбатында отбасылық өмірі туралы айтып берді. Кең ауқымды соғыс жағдайында күйеуі Владимир Зеленскиймен жеке отырып сөйлесуге уақыт табылмайтынын айтты.
«Бос уақытымыз бірдей болмай жатады. Ол босағанда, менің қолым тимейді. Кейде кеңседе кездесіп қаламыз, бірақ әрдайым емес. Кеше тіпті бір-бірімізге хабарласа алмадық», — деді бірінші ханым.
Ол атап өткендей, қазір олардың өмірі параллельді жүріп жатыр, алайда бұл белгілі бір қиындықтар туғызады, оның айтуынша, бұл қалыпты жағдай. Сұхбат барысында әскери оқиғалар оның эмоционалдық жай-күйі мен күшіне қалай әсер етіп жатқанын айтты.