Ресей Украинаға қарсы соғыста стратегиялық және тактикалық тұрғыдан жеңілді, деп мәлімдеді АҚШ Штаб бастықтары біріккен комитетінің төрағасы генерал Марк Милли. «АҚШ өкілінің мұндай бағасымен келіспеу мүмкін емес. Әсіресе, Пентагонның РФ осы соғыста негізгі жауынгерлік танктерінің жартысын айырылған болуы мүмкін деген мәлімдемесін назарға алатын болсақ», — деп жазады украиналық саясаттанушылар.
Олар сондай-ақ Херсоннан кері шегіну Ресей әскерінің кезекті ауыр жеңілісі болғанын және Ресей президенті Владимир Путиннің саяси көшбасшы ретіндегі елеулі беделіне нұқсан келгенін мәлімдейді.
«»Қазіргі таңда Кремльге шығындардың орнын толтырып, әскерлерді қайта топтастыру үшін соғыс алаңында жедел үзіліс қажет. Мәскеу Ресейдің осындай мүмкіндікке ие болуы үшін Киевті келіссөздер жүргізуге көндіріп, уақытты созбақ», — деп жазады саясаттанушылар.
10 қазаннан бастап Ресей Украинаның электр энергетикалық инфрақұрылым нысандарына шабуыл жасады. Соққылардың салдарынан электр беретін станциялар мен электрстанциялары зақымдалды. Сейсенбі күні 15 қарашада РФ Украина аумағына зымыранмен атқылады. Қазіргі таңда бұл соғыс басталғалы ең ауқымды шабуыл. Украина тарапының мәлімдемесіне сәйкес Ресей Украинаға 96 қанатты зымыранмен, авиациялық зымыран, Shahed дронымен және басқа да ұшқышсыз басқарылатын ұшақтармен шабуыл жасады. Түрлі бағалаулар бойынша, аталған шабуылдарға РФ жарты миллиард доллардан миллиард долларға дейін қаражат жұмсаған.
Британдық барлау қызметі РФ энергетикалық инфрақұрылымға шабуыл жасап, Украина халқының моральдық рухын түсіріп, президент Зеленскийді келіссөзге жүргізуге мәжбүр еткісі келетінін мәлімдеді.
РФ президентінің баспасөз хатшысы Дмитрий Песков Украинаның көптеген аудандарында жарық пен жылудың болмауы Киев билігінің әрекетінің салдары деп мәлімдеді.
«Осылайша, Украинаның инфрақұрылымына соққы беру арқылы Зеленскийді Ресейдің шартымен келіссөз жүргізуге мәжбүр етпек болған. Айта кету керек, Украина келіссөздерге дайын және соғысты тоқтату үшін «бейбітшілік формуласын» ұсынып отыр. Ол радиациялық, ядролық, азық-түлік және энергетикалық қауіпсіздік кепілдігі, сондай-ақ РФ әскерлерін орналасқан аумақтардан шығаруға негізделеді», — деп жазады саясаттанушылар.
Кремль Ресей Федерациясының бақылауына өткен аумақтардан шығуды жоспарлап отырған жоқ.
Айта кетерлігі, Кремль тек энергетикалық инфрақұрылымға соққы беріп жатқан жоқ. Мәселен, 17 қазанда Ресей украиналық газ өндіру нысандарына шабуыл жасады.
«Мұндай стратегия Ресейге, оның азаматтарына, оның әскери-саяси басшылығына жақсылық әкелмейді. Мысалы, Чехия парламенті депутаттары палатасы Ресей билігін террористік режим деп атайтын қарарды мақұлдады. Бұл РФ-ға қатысты осындай қарар қабылдаған алғашқы ел емес. Сондай-ақ, түрлі БАҚ хабарлағандай, Еуропалық Одақ қарашаның соңында Ресейге қарсы жаңа санкциялар пакетін ұсынады, ол желтоқсанның басында мақұлдануы мүмкін.
Бұл РФ-ны өркениетті әлемнен одан әрі оқшаулатады. Санкциялар Ресей экономикасына айтарлықтай залал келтірді», — деп жазады саясаттану саласындағы сарапшылар.
Олар анонимді түрде пікір білдірген дереккөздеріне сілтеме жасай отырып, олар РФ-да енгізілген санкциялардың салдарынан медициналық препараттардың өткір тапшылығы туындағанын, ал жоспарлы операциялар белгіленбеген мерзімге кейінге шегерілгенін мәлімдеді.
Ресейлік саясаткерлер мен БАҚ өкілдері Украинада нацистермен және террористермен соғысып жатқанын айтып отыр. «Олар бірінші кезекте балалармен, әйелдермен және қарттармен соғысып, оларды жылудан, электр, газ және сумен жабдықтаудан айырып жатыр», — деп мәлімдейді саяси технологиялар саласындағы мамандар.