Бірнеше күн бұрын Украина президенті Владимир Зеленский Ресей әскерінің толассыз шабуылына тойтарыс беріп жатқан Авдеевкадағы Украина Қарулы Күштерінің позициясында барды. Бұл Украина президентінің майдан шебіне алғашқы сапары емес. «Мемлекет басшысын кескілескен шайқас жүріп жатқан алдыңғы шепте көру — УҚК-ны жігерлендіреді. Бұл күн сайын өз өмірін қауіпке тігіп, соғысып жатқан жауынгерлерге моральдық және психологиялық тұрғыдан көмектеседі», — деп мәлімдейді украиналық саясаттанушылар.
«Зеленский кескілескен шайқас жүріп жатқан аумақтарға барудан қорықтпайтынын атап өткен жөн, Авдеевкаға дейін ол Бахмут бағытындағы позицияға бірнеше рет барған, сондай-ақ Херсонға жау күштерінен босатылғаннан кейін барған, сол кезде РФ артиллериясы оны қарама-қарсы жердегі жағалаудан еш қиындықсыз атып түсіруге мүмкіндігі болған», — деп хабарлайды ашық ақпарат көздері.
Сарапшылар РФ президенті Владимир Путин де майдан шебіне барғаны туралы ақпаратқа қатысты түсініктеме берді. Олар «бұл ақпараттық кеңістіктегі Украина президентінің әскерилерге барғаны туралы ақпараттың белсенді таралмауы үшін әдейі жасады» деп атап өтті.
Фото: Саясаттанушылар Путин мен Зеленскийдің майдан шебіне барған сапарларына қатысты пікір білдірді
Кремль Путиннің Ресей армиясының бақылауындағы аумақтарға сапары туралы баспасөз релизін жариялады. Атап айтқанда, РФ президенті Луганск және Херсон облыстарында болды.
«Осылайша, пропаганда Путинді Зеленскиймен салыстырмақ, — деп жазады украиналық саясаттанушылар. — Екі президентті осылай салыстыру дұрыс емес екенін айта кеткен жөн. Украина президенті байланыс сызығындағы әскерилердің позициясына барды, ал Ресей президенті болса майданның «кескілескен шайқас» жүріп жатқан аумақтан алыс жерге барды. Бұған дейін Путин белсенді ұрыс қимылдары жүріп жатқан жерден алыс орналасқан Мариупольге барғаны туралы ақпарат жарияланған».
Саясаттану саласындағы мамандардың айтуынша, Путин белгілі бір мақсаттарды көздеген.
Фото: Саясаттанушылар Путин мен Зеленскийдің майдан шебіне барған сапарларына қатысты пікір білдірді
«Біріншіден, ол жай ғана ел президенті емес, Украинаның қарымта шабуылы қарсаңында жағдайды өз қолында ұстап отырған және бақылайтын әскери қолбасшы екенін көрсету. Екіншіден, бұл уәждемелік компонент. Путин ерік-жігерінен айырылған Ресейдің басқыншы армиясын «шабыттандырғысы» келеді. Ресей президентінің сапары өлім ауызына барған, Украинаның Угледар, Бахмут немесе Соледардағы берік нығайтылған позицияларына толассыз шабуыл жасап жатқан сарбаздарды жігерлендіруі екіталай», — деп жазады сарапшылар.
Олардың пікірінше, соғысып жатқан екі мемлекеттің президентінің айырмашылығы «Украина президенті шынымен де соғысып жатқан елдің әскери қолбасшысы, өз кезегінде Ресей президенті есінен адасқан адам сияқты көрінеді».
Қорытындылылай келе олар мынадай қорытындығакелді: «Зеленский майдан шебіне барып, әскери және бейбіт азаматтарды ынталандырып қана қоймай, түрлі мемлекеттерге сапармен барып нағыз әлемдік лидер болды. «Путин өз әріптесінің әрекетін қайталағанымен, өркениетті әлемнен оқшауланған болып қала береді.