Мәскеу КСРО құрамында болған республикалармен одақ құруға ұмтылысын жасырмауда. 2021 жылы Белорусьпен жасалған интеграциялық келісімді жетістік деп қараса болады. Басқа республикалар жылдан-жылға Ресейден алшақтап барады. Орталық Азия елдері интеграциялық процессті жоспарламауда.
«Бірақ бұрын Мәскеуге қараған бұрынғы республикалар Кеңес одағын әлі ұмытпаса да, неліктен қайта Ресейдің құрамына оралғысы келмейді? Донбассқа назар аударатын болсақ, бәрі бірден түсінікті болады», — деп жазады украиналық саясаттанушылар.
Ресейлік әскерлерді Украинаға «Донбасстағы орыс тілді азаматтарды қорғау» ұранымен жіберді. Соғыстың басталғанына үш ай өткеннен кейін Мәскеу Донецк және Луганск облыстарының әкімшілік шекараларына шыға алмады. «Сонымен қатар, сегіз жыл бойы Ресей Федерациясы өзін-өзі жариялаған «ДХР»және «ЛХР» республикаларына бақылау орнатты. Осы уақыт аралығында көмірсутегіне бай ел өз бақылауындағы аумақта адамдардың өмірін ретке келтіре алмады», — деп жазады украиналық саясаттанушылар.
Сегіз жыл ішінде аймақтағы жалақы деңгейі төмендеп, Ресейден азық-түлік жеткізіле бастады және оның бағасы жыл сайын өсті. Сонымен қатар, украиналық бизнесмендер өзін-өзі жариялаған республикаларға инвестиция салуды тоқтатты.
РФ мен Орталық Азия елдерінің интеграциялық процессі
«Қазір Ресей әскері өз жолындағы әрбір елді мекенді жойып жатқанын көруге болады», — дейді украиналық саясаттанушылар.
«Единая Россия» партиясының төрағасы және Ресей Федерациясы Қауіпсіздік кеңесі басшысының орынбасары Дмитрий Медведев Мәскеудің әкімшілік шекарасындағы Донецк және Луганск облыстарын өз құрамына қабылдауға дайын екенін мәлімдеді. Егер бұл орын алса, онда Ресей аймақтағы қираған қоныстарды қалпына келтіру жөніндегі жауапкершілікті автоматты түрде өз мойнына алады.
«Украина үкіметінің мәліметінше, соғыстан келтірілген залал жүздеген миллиард долларды құрайды, демек, ең жақсы дегенде Мәскеу өңірдегі азаматтық инфрақұрылымды 10 жылдан кейін қалпына келтіре алады, бұл ретте өз облыстарының дамуы тоқтап қалады. Бұрынғы КСРО-ның құрамында болған аумақтарда Ресей не істеп жатқанын назарға ала отырып, қалған республикалардың РФ-мен интеграцияға неліктен ұмтылмай отырғаны түсінікті болып отыр. Тіпті Минск те Мәскеумен біріккенімен, соғыс қимылдарына қатыспаса да Украинада соғыс басталғаннан кейін Ресейге салынған батыстық санкциялардың құрбаны болды.
Орталық Азия Республикалары Мәскеуді «көкесі» ретінде қарастырмау үшін РФ-ға жаңадан қосылған аумақтарда не болып жатқанын мұқият бақылауы тиіс. Әзірге бірде-бір Орталық Азия елінде Украинаның сценарийін қайталануына еш себеп жоқ. Бірақ Мәскеумен ерікті түрде интеграциялау экономиканың тоқырауына және әлем елдерінен оқшаулануға алып келеді, юұған мысал ретінде Минскті келтірсек болады», — деп есептейді украиналық саясаттанушылар.