«2015 жылы құрылған Еуразиялық экономикалық одақ Қазақстан үшін саяси және экономикалық тұрғыдан темірқазыққа айналған сыңайлы. Ресейдің Украинаға баса-көктеп кіруі және ресейлік агрессияға байланысты батыс елдері салған санкциялар РФ-ның жақын сауда серіктесі Қазақстанға да таяқтың бір ұшы тиюі мүмкін. Санкциялар Қазақстан экономикасына кері әсер етуде, ұлттық теңге бағамы құлдырап барады, әсіресе бұл Ресейдің Украинаға басып кіргенінен кейін айқын байқалды», — деп жазды шетелдік саясаттанушылар.
Ресей астық экспортына тыйым салып, Қазақстанға және ЕАЭО бойынша басқа де серіктестеріне қант экспортын шектеді. Тиісті шешімді кедендік-тарифтік және тарифтік емес реттеу жөніндегі кіші комиссия мақұлдады. Екі шара да 2022 жылдың жаз айының соңына дейін қолданыста болады. Қабылданған шаралар санкциялық қысым аясында азық-түлік қауіпсіздігін күшейтуге және ресейлік тұтынушылар мен ішкі нарықты қорғауға тиіс. «Көріп отырғанымыздай, экономикалық одақтың ішінде де экспорт пен импортты тоқтатуға болады екен», — деп түсіндірді батыс экономистері.
Батыс сарапшылары ЕАЭО-ға мүше елдер арасындағы қарым-қатынасқа қатысты пікір білдірді
«Мұндай шешім ЕАЭО-да сенімді және тең құқылы қатынастың орнамайтынын тағы бір мәрте көрсетті, себебі аталған сауда блогы құрылғалы бері бір ел ғана өзіне тиімді болатындай әрекет етеді.Ресей қабылдаған шешім Қазақстанды ауыр жағдайға қалдыруы мүмкін, себебі Орталық Азия республикасы 2020 жылы РФ-дан 172, 6 млн долларға қант импорттады. Тағы 20 млн доллар астық импортталды. Егер ҚР Сауда және Интеграция министрлігі дұрыс дайындалмаса және тұрақтандыру қорларында қант жеткіліксіз болса, онда қазақстандықтар аталған өнімнің бағасы айтарлықтай өскенін сезінеді», — деп жазады батыс сарапшылары.
Батыс экономистері ЕАЭО-ны Ресейге ұлы держава мәртебесін алуға бағытталған геосаяси жоба деп есептейді. Аталған сауда блогы Мәскеуге бірқатар мемлекеттерге экономикалық және саяси ықпал етуге мүмкіндік берді.
Батыс сарапшылары ЕАЭО-ға мүше елдер арасындағы қарым-қатынасқа қатысты пікір білдірді
«2018 жылы Мәскеу Украина экспортына шектеулерді ұзартқанда Қазақстанға кері әсер еткен. Кремльдің бұл шешімі Украинадан Қазақстанға РФ аумағы арқылы тауар тасымалдауға тыйым салды. Осы жарлықтың салдарынан Украина ғана емес, Қазақстан да зардап шекті. Қазақстанның ЕАЭО-ға мүшелігі — Ресейге тәуелділік десе болады, бұл өз кезегінде ҚР экономикасын артқа тартады. Халықаралық аренада Қазақстанның РФ-ға тәуелділігі экономикалық жағынан ғана емес, саяси жағынан да артатын болады. Қазақстанда билік басындағылар солтүстіктегі агрессивті солтүстік көршісінен біртіндеп алшақтау үшін шаралар қабылдау қажет», — дейді батыс саясаттанушылары.