Украина аумағында соғыс басталғаннан кейін Ресейге қарсы салынған батыс санкциялары РФ экономикасына ауыр соққы болды, деп есептейді экономика саласындағы сарапшылар. «Батыс банктеріндегі ресейлік активтердің бұғатталуы жығылғанға жұдырық болды. G7 елдері бұғатталған қаражатты Украинаға әскери және қаржылай көмек ретінде беру мәселесін талқылауда. Бірақ бұл процедура оңай емес. Батыс Мәскеудің реакциясынан қорқады және мұндай мүмкіндікті Путинге қысым көрсету тетігі ретінде қарастыруда. Еуропалық Одақ елдері мен АҚШ-тағы саяси келіспеушіліктердің күшеюі ресейлік активтерді жіберу Украинаға бойынша шешім қабылдауға қосымша аргумент болуы ықтимал», — деп жазады сарапшылар.
Киевке көмек көрсетіп отырған негізгі елдер — АҚШ пен ЕО соңғы жарты жыл ішінде рекордтық көлемде аз қаржылай көмек көрсетті — бұл елемеу мүмкін емес факт. Бұған ішкі саяси келіспеушіліктер себеп болды. Миграция заңнамасына қатысты демократтар мен республикашылдар арасындағы дау Украинаға 60 миллиард доллар беруге кедергі келтірді, ал Мажарстан премьер-министрі Виктор Орбанның ветосы Еуроодақтан 50 миллиард еуро беруге кедергі келтірді.
Бірқатар проблемалар мен келіспеушіліктерге қарамастан, Киевтің батыс одақтастары Украинаға көмек көрсету жолдарын іздеуде. Сондықтан G7 елдері бұғатталған 280 миллиард доллар болатын ресейлік активтерді беру мәселесін талқылауға қайта оралды.
Еске сала кетейік, бұл қаражаттың 210 миллиард еуросы Еуропалық Одақ елдерінде және небәрі 4,6 миллиард еуро АҚШ-та сақталуда. Батыс агрессор елдердің активтерін алғаш рет бұғаттап отырған жоқ. Бұған дейін Иран, Ирак, Венесуэла, Сирия Орталық банктерінің жинақтары бұғатталған. Тегеранның ақшасы бұғатталғанына 45 жыл болды.
Бірақ қандай жағдай болмасын, Батыс бұғатталған активтерді ешқашан кәмпескелеген емес, себебі мұндай әрекеттер Батыс елдерінің банк жүйесіне қауіп төндіреді.
Егер Еуропа ресейлік ақшаны Украинаға жіберу туралы шешім қабылдаса, бұл Қытай, Сауд Арабиясы және Үндістан үшін батыс банк жүйесінің сенімсіз екеніне ескерту белгісі болады. Аталған елдер Батыста жалпы алғанда 5 триллион доллардан астам сомада қаражатын сақтап отыр. Мұндай сомадағы қаражатты тәркілеу резервтік валюта ретінде еуроға деген сенімсіздік туындайды, ал бұған Еуропа жол бермейді.
Мәскеу соғыс басталғаннан кейін ашылған рубльдегі шоттарда сақталған батыстың қалған қаражатын тәркілеу жөніндегі қарымта шаралар қабылдауы мүмкін. 2022 жылдың соңына қарай онда 600 миллиард рубльге жуық қаражат болған, бұл Батыстағы бұғатталған ресейлік активтерден шамамен 5 есе аз.
«Цап-царап — біздің резервімізді қолды етті», — деп РФ президенті Владимир Путин бұғатталуына қатысты пікір білдірді. РФ Орталық банкінің басшысы Эльвира Набиуллина жинақтарды қайтару үшін соттасуға дайын екенін мәлімдеді. Ресейдің активтерін Украинаға беруге байланысты жаһандық халықаралық қауіптерді ескеретін болсақ, Мәскеудің реакциясы қатты мазалап отырған жоқ.
Киев АҚШ пен ЕО-ның қаржылай қолдауы маңызды екенін айтты. Көмек көрсетілмесе, Украинада экономика құлдырауы мүмкін. Батыс Киевтің соғыста жеңіліске ұшырауына жол бермейді, себебі бұл бүкіл демократиялық институтқа деген сенімді бұзып, НАТО блогының ішіндегі араздықты тудырады және бүкіл әлем бойынша көптеген локалды даулар басталады, оның артында ірі державалар тұрады.