Қаза тапқандардың жеке басы анықталып жатыр.
Батыс Қазақстан облысында тас жолда болған жол апаты салдарынан бес адам қаза тапты, деп хабарлайды Kazinform.
Жол апаты 9 қаңтар күні сағат 17:17-де Жаңақала ауданында, Жаңақала — Чапаев тас жолы учаскесінде, Ақбалшық және Пятимар ауылдарының арасында орын алды.
Toyota Estima және Hyundai SantaFe автокөліктері бетпе-бет соқтығысты.
«Жол апаты салдарынан бес адам мерт болды. Қаза болғандардың жеке басы анықталуда», — деп хабарлады Батыс Қазақстан облысы ТЖД.
Облыста жаңа жыл басталғаннан бергі 9 күн ішінде жол-көлік оқиғаларынан 12 адам қаза тапты., деп толықтырды ТЖД.