Бүгін таңертең Башқұртстанның Баймак қаласындағы сот ғимаратының алдында Көштау тауының қорғаушысы, белсенді Фаил Алсыновқа айыптау үкімі шығарылғаннан кейін халық наразылық шарасына шықты. Бірнеше мың адам оны босатуды талап етті, арты тәртіп сақшыларымен қақтығысқа ұласты.
Тәртіп сақшылары, соның ішінде ОМОН қызметкерлері сот ғимаратынан халықты ығыстыру үшін күш қолданған. Наразылық білдірушілерге көзден жас ағызатын газ бен жарық шулы граната қолданылды. Расталмаған деректер бойынша, ондаған адам ұсталды, ал арнайы жасақ наразылық білдірушерді ұстау кезде таяқпен ұрды, салдарынан зардап шеккендер болды.
Соңғы ақпарат бойынша, 20-ға жуық адам медициналық көмекке жүгінген.
Башқұртстандағы оқиғалар туралы ең соңғы ақпарат алу үшін біздің жаңалықтар порталымызды қадағалаңыздар.