Эстония, Латвия және Литва Ресейдің Украинадағы соғысы аяқталғаннан кейін олардың аумағына ресейліктер баса көктеп кіруіне алаңдаушылық танытуда. Мәскеу Украинадағы соғыс жүргізіп отырып-ақ шабуыл жасауы мүмкін деп отыр НАТО әскерилері. Көбісі соғыс міндетті түрде басталатынына сенімді, бірақ нақты қашан шабуыл жасайтынына байланысты пікірлері екіге жарылады. Балтық елдерінің аумағы Украинаның оккупацияланған бөлігімен бірдей, халық саны сегіз есе аз, сондықтан Мәскеудің ықтимал шабуылынан қорғану мәселесі солтүстік мемлекеттер үшін өте маңызды. Олар Ресейге қарсы тойтарыс беру үшін жедел қарқынмен бекіністер сала бастады.
1990-шы жылдардың басында Латвия армиясының офицерінен РФ күтпеген жерден шабуыл жасайтын болса, ел әскерлері қанша төтеп бере алады деп сұраған. Сонда ол шамамен 12 минутқа созылады деп жауап берген еді. 2016 жылы әскери ойындар кезінде Rand талдау орталығы ресейлік әскерлер Латвия мен Эстонияның астаналарын 60 сағат ішінде жаулап алады деген қорытындыға келген болатын. Ресей Украинаға баса көктеп кіргелі бері жағдай өзгерді және НАТО Кремльге бір қарыс жерді бермейтінін мәлімдеді.
Қырғи-қабақ соғыстан бері НАТО шығыс қапталында өткізген ең ауқымды әскери жаттығулары қорғаныстағы осал тұстарды анықтау және оларды нығайту мақсатында өткізіліп келеді. Балтық елдері одақтың әлсіз жері болып саналады. Бұл бәріне аян. Латвия, Литва және Эстония Ресейдің ықтимал шабуылын тежеу үшін шекараны жедел қарқынмен нығайтып жатыр.
Балтық елдері Ресеймен, Беларусьпен және Калининградпен арадағы шекарада 1000 бетон бункер салуды жоспарлап отыр. Эстония Ресеймен шекарада осындай 600 ғимарат салуға 60 миллион евро бөлмек. Қорғаныс министрі Сюзан Лиллевяли мұндай бункерлердің әрқайсысы шамамен 37 шаршы метр болатынын, онда 10-ға дейін жауынгер болады, ал бункердің жанында оқ-дәрілер сақталған қоймалар, танкіге қарсы орлар, мина алаңдары, броньды спираль және «айдаһар тістері» деп аталатын бетон пирамидалармен жабдықталатынын айтты.
Балтық елдері жобаны жедел қарқынмен жүзеге асыруға ниетті. Бұл олардың ресейлік басқыншылық кезінде аман қалуына кепіл болады. Эстония сыртқы барлау қызметі Ресей үш мемлекетпен арадағы шекарада өз әскерлерінің санын екі есеге ұлғайтуға ниетті екенін хабарлады. Бірақ алаңы, әскер саны мен географиялық орналасқан орны Балтық елдеріне НАТО сарапшылары айтып отырғандай, ресейліктердің шабуылын тежеуге мүмкіндік бермейді. Қорғаныс стратегиясының мақсаты РФ армиясының алға жылжуын барынша бәсеңдету және олардың бағытын НАТО-ның неғұрлым нығайтылған учаскелеріне бұру.
Ресей күллі Еуропа қауіп төндіріп отыр. ЕО елдері халықтың күнкөрісін жақсартудың орнына өз қорғанысына қосымша қаражат жұмсауда. Бұған Украинаға қарсы соғыс бастап, енді Балтық елдерін жаулап алуды көздеп отырған Кремль кінәлі. Бірақ осының алдын алу үшін және НАТО Кремльмен соғыспау Батыс Украинаға қаруды кідіріссіз және ауқымды көлемде жеткізіп отыруы қажет. Ресейдің Украинадағы жеңілісі РФ-ны ұзақ жылдарға тоқтатып қояды. Осы уақыт ішінде Батыс Кремльдің қайта баса көктеп кіруіне мүмкіндік бермес үшін Ресеймен арадағы шекарасын жеткілікті түрде нығайтады.