17 желтоқсан күні кешкісін АҚШ президенті Джо Байден Делавэрде сайлауалды штабы кеңсесінен шығып бара жатқан кезде белгісіз адам президенттік кортежбен соқтығысты. Куәгерлердің айғағы бойынша, күміс түсті көлік жоғары жылдамдықпен келіп, тұрақта президенттік кортежді күзетіп тұрған жол талғамайтын көлікке соқтығысқан.
Аталған жайт жексенбі күні сағат 20: 07-де Уилмингтон қаласының орталығында орын алды. Жол апатынан кейін көлік жүргізушісі қашып кетпек болған, бірақ күзет қызметі оны қоршауға алып, ұстады. Агенттер жүргізушіге қару кезеп, қолын көтеруді талап етті.
Президент пен оның отбасы зардап шекпеді. Көлік жүргізушісі Құпия қызметтің агенттерінің айтқанын істеді, аталған оқиғаға байланысты қауіпсіздік шаралары күшейтілді.